يا ويل اللي بجهر بمعاصيه

الحمد لله والصلاة على رسول الله
واول كلامي سلام

قال الرسول عليه الصلاة والسلام :
(( .. كل امتي معافى الا المجاهرون .. ))

يعني كل الناس ربنا يتجاوز عنهم
و يسامحهم ويستر عليهم
في الدنيا والاخره إلا ( المجاهرون )

الي يورو للناس هما ايش سوو
الي يفتخر قدام الناس بالمعصيه
الي سواها مهما كان حجمها

دحين يجي واحد يزني وما في احد شافو
ربنا سترو عشان يدي فرصه للتوبه
يقوم يروح قدام اصحابو ويقول ترى انا زيت
ورحت مع بنت و ... و ...

هدا يا ويل ويلو من ربنا ما يسامحو
دحين انتا يا عبد يا ضعيف
تسوي معصيه وربنا يسترك
فيها تقوم تفضح نفسك بنفسك !!

ولا الي يرفع صوت الاغاني وهو
في السياره
دحين انتا تسوي معصيه
وتقول للناس كلها ترى انا
قاعد اسوي معصيه شوفو

انتبهو .. الي ربنا بلاه بذنب
او الي بيسوي معصيه
خليه ساكت لا يفضح نفسو

ترى ربنا الكريم من كرمو
وعطفو و حنانو سترك في الدنيا
امكن يسترك قدام الخلائق يوم
القيامه لانو كلنا حنتحاسب قدام بعض

لا تجاهرو بالمعاصي تراها كبيره
عند الله استر نفسك امكن ربنا يسرك
في الاخره زي ما سترك في الدنيا

قال الرسول :
(( كل امتي معافى الا المجاهرون ))

اللهم استر عوارتنا
وامن روعاتنــــــــا
واستر عليا بكرمك

فان اصبت فيما قلت فهذا من الله وحده
وان اخطات فمن الشيطان ونفسي
والله ورسوله بريئان من خطئي والله اعلم

محمد